Diposkan pada Best Friend, Cerita Pendek, Cerpen, Cinta, Dongeng, Family, Keluarga, Love, Novel, Sahabat, Tak Berkategori, Teman

Yanto : Tresno Ketanggok Bondo

Yanto

2002
Gedung kelurahan deso…

Aku mung iso anteng, meneng, lan ndingkluk wae gek pas weruh Sri njagong nang kursi apik lan gede nang panggung kae jejer karo wong lanang pilihane bapakne. Aku mung iso nangis batin wong nangis seng tenanan wes ora iso, mergane wes kerep nangis goro-goro Sri.
Sri ket mau-mau ke asline ke yo arek nangis, tapi pas weruh aku wae, lohe lagi wae metu. Mugasine kui aku ndingkluk, aku etok-etok ra weruh. Mergane aku wegah ngrusak acara seng paling penting gawe keluargo iki. Ngantenane Sri.

“Kuatno atimu Sri, koe mesti iso. Iki gawe urip seng luweh apik.” jare aku nang jero ati seng jero.

Sri langsung di jodoake karo bapakne pas bapakne ngerti nek aku seneng karo Sri lan Sri yo podo, dewekke seneng aku.
Aku isih kelingan pas dino kue, kiro-kiro setahun kepungkur. Aku karo Sri gendengan tangan nemoni bapakne Sri, gek seng bapakne malah kagete ra karuan weruh awakke dewe koyo dilem wong nempel terus-terusan.

“Uhuk… Uhuk…” bapakne Sri keselek.
“Pak, Sri bade mator,” jare Sri.
“Ono opo nduk?” takon bapakne.
“Kulo nggih ajeng mator pak,” aku melu omong.
“Yo, yo. Ono opo?” takon bapakne Sri.
“Ngenten, ehm… Ngenten, pak.” omonge aku mandeg-mandeg mergo saking grogine.
Wong ra sabar, akhire bapakne Sri napok mejo karo nyentak, “Ono opo?” takone meneh ngenggo nada kang luwih duwur.
“Kulo seneng Sri, pak.” jawab aku spontan.
“Kulo nggih sami seneng Yanto, pak.” Sri nambahi.
“Opo?” sentak bapakne Sri meneh luwih bantas timbang seng mau.

Bare kui pak Prayitna langsung ambruk lan loro ngasi pirang-pirang dino, lebar mari dewekke ngirim Sri reng Yogyakarta. Pokokke kepiye carane aku karo Sri men ra bareng, men ra ketemu. Jane iso wae aku karo bapakku dusir seko kene gawe misahke aku karo Sri, tapi koyone pak Prayitno isih anduwei ati kang aris.
Pak Prayitna mesti ora gelem nek anake wedok due bojo seng kere koyo aku kie, dewekke mesti ora lilo. Langsung wae dewekke ngenalke Sri karo anak-anake poro juragan seko deso liyo, tapi Sri ra gelem. Akhire, nee mergo jengkel, bapakne mekso. Bapakne teko milihake wae gawe Sri. Gebeneran kok seng dipilih bapakne Sri kui koncone cilik Sri, y podo koncone aku mbarang. Dadine wes kenal lan ngerti karo Sri lan jarene seneng Sri ugo.
Tapi y meh piye meneh, asline no treno ora mandang bondo, tapi aku rahiso opo-opo.
Pak Prayitna kui uwong kang wes ngopeni aku karo bapakne aku, nguwei gawean lan papan panggonan lan nyekolahake aku ngasi tamat sma. Nek aku mekso arek duweni Sri, nee aku arek dadi uwong seng ra ngerti matur nuwun. Koyo paribasan, “Wes Di Tulung, Malah Mentung.”.
Bapakne aku y podo murkone pas ngerti nek aku seneng karo Sri. Lagi sepisan kui aku weruh bapakne jengkel seng ngasi koyo jengkel banget, koyone jan sengit banget karo aku. Ora mung koyone, tapi pancen sengit banget.

“Koe ki gemblung! Mikir opo ora to le… jane ke? Melek po ora koe ki!!!?” sentak bapakne aku.

Lebare kui bapakku ngajar aku ngasi kupras geteh, saking jengekele. Aku di antem karo di tendang. Wis kui, aku dinengake wae pirang-pirang dino.
Asline awakke aku seng gede duwur kie saking gampange nek tok ngalahake bapakne aku seng cilik tungring lan duwure wae sakngisore aku.
Aku mung iso meneng. Aku y asline ra ngerti kok hiso koyo nggene, kabeh kui teko kedadean ngono wae. Aku cok kerep dolan karo Sri, dadi siji, aku seneng Sri, Sri yo podo lan dewe podo-podo senenge.
Yen koyo ngene jenenge no, treno ketanggok bondo. Aku ngasi wis tau sengit karo Seng Gawe Urip mergo aku di takdirake dadi wong kere. Nangopo aku ra sugih? Nangopo aku ra podo karo anak-anak juragan kae? Nangopo treno kudu dibarengi karo bondo? Pitakonan-pitakonan koyo nggono kui seng terus wae tak takoake. Saking jludregke.

***

Acara ngantenane Sri wis rampung, saiki dong gilirane kabeh tamu undangan ngucapke slamet karo salaman. Ra kecuali aku. Tapi aku jan dredeg tenan pas nang ngarepe Sri, Sri yo malah soyo banter leh nangis pas aku nang ngarepe.
Akhire aku ora sido ngucapake slamet reng Sri, Sri teko tak lewati gek aku langsung reng bojone. Aku nyikep bojone Sri kui karo omong lirih, “Tulung jogo Sri, Sri kui wes koyo adiku dewe.” omonge aku nang kupinge. Bojone Sri mung mantuk-mantuk, njuk pas tak delok rupane awakke dewe mesem karo aku. Lebare kui aku nepuk pundakke peng pindo, njuk langsung lungo.
Tapi Sri malah gocekki tanganne aku, bare kui langsung nyikep aku kenceng bangeti. Aku wae ngasi ra hiso ambegan saking kencenge.

“Aku ora hiso koyo nggene, To…” jare Sri iseh karo nyikep aku.
Aku ngeculke sikepane Sri seng kenceng bangeti kui, aku nggoceki loro-lorone pundakke Sri karo omong, ” Koe mesti iso.” omonge aku mantep.

Sri malah gelang-geleng, aku jan misaake tenan gek kui. Atine Sri mesti loro banget, aku seng tok ndelok wae hiso ngarasaake.

“Koe iso, aku biso. Dewe cah loro hiso.” tambahe aku.

Uwong-uwong lan bojone Sri dewe dong ngetakake pas weruh Sri nyikep aku njuk nangia nggero-nggero kui, tapi jidor, aku ra peduli. Tak anggep wae iki gon terakhir aku iso bareng-bareng karo Sri.
Aku mbusek lohe Sri seng ngasi marai luntur wedakke kui, bare kui aku nyikep Sri gawe seng terakhir kaline, njuk aku lungo. Bener-bener lungo ora noleh reng Sri meneh, lungo ora bali reng gedung kelurahan kui mau.

***

Pirang-pirang dino sakwise kedadean kui, aku pamit karo bapak lan pak Prayitna arep merantau neng Jakarta. Yo dino kue aku langsung mangkat neng ibu kota.
Kie gawe keapikane aku lan Sri, bapak lan pak Prayitna lan sekabehane.
Sri ugo yo saiki ngaleh nang desane bojone, dadi bojone juragan seng iseh enom.
Mugo-mugo wae Sri hiso urip seneng lan tenterem karo bojone kui, mugo-mugo Sri iso ngelalekke aku lan aku yo hoo.

Tamat

Iklan

Penulis:

Simple&Friendly

8 tanggapan untuk “Yanto : Tresno Ketanggok Bondo

Tinggalkan Balasan

Please log in using one of these methods to post your comment:

Logo WordPress.com

You are commenting using your WordPress.com account. Logout /  Ubah )

Foto Google

You are commenting using your Google account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s