Diposkan pada Best Friend, Cerita Pendek, Cerpen, Cinta, Dongeng, Family, Keluarga, Love, Novel, Sahabat, Tak Berkategori, Teman

Sri : Tresno Kui Iseh Ono

2003

Setahun sakwise aku dadi nganten karo bojoku, aku njuk wis ra weruh Yanto meneh. Nek jarene bapakne Yanto, Yanto kui pamit arek kerjo nang Jakarta. Jarene kabeh uwong yo di pamiti, koyone tok aku tok seng ora ki. Tapi y mungkin Yanto ne due maksud dewe nangopo kok ngasi ora omong karo aku.
Uripku seng saiki kie diuneake matuk yo ora, nelongso yo ora. Tapi bener, aku luwih seneng pas urip dewe biyen, gek ijeh bareng-bareng karo Yanto.
Tekan saiki wae asline nang jero ati seng paling jero ke aku ki iseh seneng karo Yanto kok, tapi yo rahiso opo-opo pancenan. Mungkin wis dalane kudu pisahan senajan ijeh due katresnan.
Saiki aku gek meteng gedi, wis wolong sasi. Ha gek sedelo(sesasi) eneh aku arek due anak, aku dadi mbok. Seneng tapi piye nggono, yo asline aku ngerti sih jawabane. Yo ora liyo ra hudu yo mung Yanto kui mau.
Aku karo bojoku urip nang Jogja, dewe due omah dewe adoh karo wong tuoku utowo wong tuane bojoku.
Bojoku jenenge mas Slamet, nyambot gawene dadi cah kantoran. Dewekke dadi karyawan nang salah sijine perusahaan nang Jogja kie. Awak dewe ke wes kenal kawit cilik, awak dewe kie ki konconan pancen. Tapi asline aku dadi bojone mas Slamet ke mergo kepekso, samar nek bapakne aku loro nek lamarane mas Slamet tak tolak. Lagian yo kui pancen dalan gawe misahake aku karo Yanto, yo arek koyo nggopo wae tetep dihisa-hisaake mesti.
Wis tau pas bengi-bengi aku arek ngombe wong bengi kue panas banget, aku arek njaluk tulung mas Slamet nggono, tapi malah mas Slamete ora ono. Ha njuk aku njikuk wedang dewe to.
Nah, pas arek njikuk wedang kui aku krungu mas Slamet gek telpon karo wong nang teras lantai loro. Yo pancen wis biasa sih, tapi mberuh nangopo saiki kie kok mas Slamete ora koyo biasane, omonge wae lirih banget kok. Akhire mergo penasaran, aku nguping. Aku kaget pas mas Slamet nyelok wong kui gowo panggilan ‘yang’, yo maune pancen tak pikir nek jenengane ki Yayang opo opo nggono to, tapi koyone ora mungkin. Malah di kiss bye barang kok si Yange karo mas Slamet.
Aku langsung bali reng kamar, bare kui aku etok-etok turu. Sedelo sakwise kui, mas Slamete mlebu kamar meneh. Dewekke nyikep aku, ngambungi aku barang bare kui langsung turu meneh tapi ijeh nyikep aku. Mas Slamet ora ngerti nek aku lagi nangis, wong aku ra marep reng dewekke. Nangis mergane loro ati, goro-goro si Yang kui.

“Yanto, tulungi aku. Atiku loro eneh.” omonge aku nang jero ati.

Oalah, aku ke dadi bojone wae kepekso, lha saiki bar gek aku arek mulai jajal nyenengi malah digawe loro atine.

Pirang-pirang dino sakwise kui…
Aku wes ratau weruh utowo krungu meneh mas Slamet telpon-telponan karo si Yang. Aku yo saiki teko meneng wae, wegah arek takon opo-opo. Ben, nek selingkuh yo men selingkuh. Wes ora peduli meneh. Lagian kawet dikikke yo pancen ora ono opo-opo antarane aku lan mas Slamet kui.
Tapi jebule aku salah, jebule mas Slamet iseh telpon-telponan karo Yang. Gek pas kue jarene cah loro kui arep ketemuan, lha njuk aku langsung ngintil mas Slamet seko mburi.
Montore mas Slamet mandek nang salah sijine restoran gede ning Jogja kie. Mas Slamete langsung mlebu jero, aku yo langsung ngintil meneh. Mas Slamete jagong nang mejo nomer rolas, aku ndelok seko adoh. Bare kui ono cah wedok sing ayu bangeti jagong nang ngarepe mas Slamet, cah wedok kui mau bunggah banget pas weruh mas Slamet. Malah sakjane uwong kui mau arek ngambung mas Slamet tapi mberuh nang ngopo mas Slamete ora gelem. Seng aku wis sesek dadane, njur sedelo netes eluhe.
Aku ra kuat meneh ndelok wong loro kui omong-omongan, aku ngadek langsung lungo metu.

Tekan omah, aku langsung jikuk koper, lebare kui toto-toto sandangan. Dino kie aku arek bali reng omah, wis ra betah rasane.
Uwis toto-toto aku langsung metu seko kamar, tapi mas Slamet wis ono nang kono. Dewekke kaget pas weruh aku nangis karo gowo koper gedi.

“Arep nangdi, nduk?” takon mas Slamet.
“Aku arep bali.” jawabe aku.
“Lha nangopo emange?” mas Slamet takon eneh.
“Alah, rasah sok nggoblok nggono kui. Dipikir jal nggopo!!!” jawabe aku karo nyentak.

Aku teko mlaku wae ngelewati mas Slamet, gek sing mas Slamete malah meneng anteng wae, koyone dewekke kaget. Gek pas tekan lawang, aku dicegat karo mas Slamet.

“Ono opo to jane ki? Aku ora ngerti tenan.” jare mas Slamet.
Aku jan sengit, wes ngerti dewekke selingkuh ijeh wae hiso takon ‘ono opo?’, “Dikiro aku ra ngerti po? Koe selingkuh to? Sopo wedokkan mau kae nang restoran?” takone aku.
Mas Slamete soyo kaget, njuk matane maleh abang, “Koe ngintil aku to, nduk?” takon mas Slamet.
Kopere tak getakke sedelo, “Hoo, kawet biyen. Kawet koe iseh sok telpon karo si Yang mu kui.” jawabku, ono penekanan nang kata ‘Yang’.
Mas Slamete anteng meneng eneh, njuk bare kui omong, “Wong wedok mau kae entes tak putusake, wong aku saiki sadar nek aku seneng karo koe. Ojo lunggo, aku rahiso nek ora ono sliramu, nduk.” omonge mas Slamet.
“Putus? Hoo? Ha sisan dene wae hubungane dewe diputusake, dewe pegatan wae, dewe pisahan.” omonge aku.

Aku langsung nyawut koperku, bare kui langsung metu seko omah. Mas Slamet ora ketok ngoyak aku, terakhir aku weruh rupane koyone jan sedih banget, njuk matane netesake eluh. Kui tandane mas Slamet gek pakem, tapi aku wes wegah loro ati meneh. Wis wegah meneh.

Tamat

Iklan

Penulis:

Simple&Friendly

4 tanggapan untuk “Sri : Tresno Kui Iseh Ono

Tinggalkan Balasan

Please log in using one of these methods to post your comment:

Logo WordPress.com

You are commenting using your WordPress.com account. Logout /  Ubah )

Foto Google

You are commenting using your Google account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s