Diposkan pada Best Friend, Cerita Pendek, Cerpen, Cinta, Dongeng, Family, Keluarga, Love, Novel, Sahabat, Tak Berkategori, Teman

Yanto & Sri Part 2 : Pancen Kudu Dadi Siji

Sri panik pas oleh kabar nek pite Arjuna ajur mergo koyone kepidek montor. Saking khawatire ngasi semaput barang mau. Ha saiki dewekke wis tangi njuk gek nggolekki si Arjunane.

Sementara kui…

“Niki tesih tebih, dik?” takone Yanto.
Arjunane geleng, “Mboten, mpun caket.” jawabe.

Montore Yanto mlebu nang dalan desane Arjuna, njur gek pas nang pojokkan wetan kone Arjuna kon mandeg.
Yanto midun seko montor, disusul karo Arjuna. Njuk bare kui Yanto ngedunake pite seng arek gawe liru kui, njuk wong loro mau mlebu kos-kosane
Arjuna mbukak lawang njuk mlebu, gek bare kui Yanto kon mlebu. Yanto jagong nang krongsi seng wis elek, lha sing Arjuna golekki mbokne. Tapi sayange ora ono.

Nang jobo…

Mberuh kenang opo, tapi sikile Sri kepingin mlayu pas weruh montor apik nang ngarep kos-kosan. Rasane ke pengen cepet-cepet ndelok sopo uwong seng gowo montor apik kuwi, opo gowo Arjuna po hudu.

Sri langsung mlebu lan kaget pas weruh uwong seng jagong nang kursi tamu, “Yanto?” celukke Sri lirih.
Seng Yanto spontan langsung ngadek, “Sri? Koe…”

Ono roso seng ganggu pikiran lan atine wong loro kue. Kangen, seneng lan sedih. Kabeh dadi siji.

Sedelo, Arjuna banjur mlebu njuk weruh Yanto karo mbokne gek adep-adepan babarblas ora kedep.

“Mbok?” celuk Arjuna.
Seng Sri langsung noleh, “Hoo, nang.” jawabe Sri.
“Niki pak Yanto, wau mboten sengojo nabrak kulo. Pite kulo ngasi ajur lan kulo yo lorp sikile. Tapi mpun dibeto ting rumah sakit lan oite dilironi ingkang anyar.” omonge Arjuna.
“Ya Allah, nang… Tapi koe ora popo to?” takone Sri.
“Mboten kok.” jawabe Arjuna karo mesem.

Yanto njuk maju pirang langkah nggono, “Aku jaluk ngapura, Sri. Aku jan ora sengojo tenan.” omonge Yanto.

Seng Srine malah meneh ndelok Yanto tanpo kedep, sedelo meneh mesem dewe, ” Koe saiki dadi wong sugih, gowo klambi apik, montor sisan. Koe saiki yo tambah bagus wae, To.” omonge Sri nang jero ati.

“Sri?” celuk Yanto alon.
Arjuna melu nyeluk, “Mbok!” karo njiwit kempole mbokne.
“Hoo, nang. Ono opo?” takone Sri.
“Aku jaluk ngapura ya, Sri.” omonge Yanto meneh.
“Hoo, ora popo kok, To.” omonge Sri.

Ora popo tapi ngasi marai awak dewekke semaput barang. Nek hudu Yanto yo mestine wes disemprot karo Sri. Tapi gandeng kui Yanto akhire emosine Sri langsung ilang lan koyo ora ono opo-opo. Tresno ke aneh, hiso ngrubah sekabehane.

Patemonan kue marakke Sri karo Yanto dadi akrab meneh koyo gek ndisek, bedane tok wes ora sebebas mbiyen. Kawet ketemu Sri, Yanto dadi reng ndeso sesasi ping telu ora koyo biasane seng sesasi tok sepisan.
Sangger ketemuan, wong loro kui podo cerito sak gang opo wae. Sri kerep-kerepe cerito sak gang Slamet seng mesti iso gawe loro atine Yanto.
Lha, seng Yanto cerito sak gang awakke dewe lan uripe bapakne Sri lan bapakne dewe seng saiki dadi uwong ora nduwe. Sri kerep mrobos mili pas krungu ceritane Yanto kui, tapi akhire njuk seneng wong ngerti nek saiki keadaane wis apik-apik wae. Mbentoke saiki pancen Sri hurung hiso bali nemoni utowo nilekki bapakne.
Ketemuane wong loro kui yo marakke roso seneng seng podo-podo sue dipendem dadi ono meneh. Mergane kui saiki wong loro kui pacaran meneh.

“Aku ora nyongko bakal iso koyo nggene meneh karo koe,” omonge Yanto karo ngelus rambute Sri seng gek nglekar nang kempole Yanto.
“Dewe ke pancen kudune dadi siji kok, To.” omonge Sri.

Sri banjur tangi, lan ngocekki loro-lorone rahine Yanto, “Ayo baleni meneh, rasah wedi karo sopo-sopo.” omonge Sri pakem.
Seng Yanto jan blas ora kedep ambag’o tok sepisan wae, dewekke tok mantuk-mantuk.

Pirang-pirang dino sakwise dino kue…

Montore Yanto mandeg nang ngarepe omah anyar seng dingoni bapakne Yanto karo Sri. Yanto karo Arjuna wes medun ndikek, gek seng Sri malah ora medun-medun. Dewekke ijeh wedi lan kuatir yen bapakne kenopo-nopo sakwise ngerti opo seng wes dialami dewekke lan Arjuna anakke.

Yanto mbukak lawang montor, “Ayo, Sri.” ajekke Yanto.
“Aku wedi, To.” omonge Sri lan ekpresine melas.
“Rapopo, Sri. Aku yakin rapopo.” omonge Yanto meneh.

Sri akhire medun seko montor, tapi kue yo ora langsung mlaku reng omah.

“Ayo, Sri. Percoyo karo aku.” omonge Yanto eneh tansoyo mantep.

Akhire wong telu kui mlaku renggon omah, lan pas wes tekan ngarep lawang jantunge Sri soyo ndredeg.
Yanto nrotok lawang, gebeneran kok seng mbukak lawang kui pak Prayitna.

Iklan

Penulis:

Simple&Friendly

Tinggalkan Balasan

Please log in using one of these methods to post your comment:

Logo WordPress.com

You are commenting using your WordPress.com account. Logout /  Ubah )

Foto Google

You are commenting using your Google account. Logout /  Ubah )

Gambar Twitter

You are commenting using your Twitter account. Logout /  Ubah )

Foto Facebook

You are commenting using your Facebook account. Logout /  Ubah )

Connecting to %s